प्रेश विज्ञप्ति
डेन्भरमा स्वर सम्राट नारायणगोपालको संझना
गायक तथा संगीतकार टीका भण्डारी सम्मानित ।
यही डिसेम्बर १०, २००५ का दिन अन्तर्रर्ााट्रय नेपाली साहित्य समाज, कोलोराडो शाखाको आयोजनामा स्वर सम्राट नारायणगोपालको १५औं स्मेति दिवस मनाइयो । वि सं १९९६ मा जन्मिएका नारायणगोपाल नेपाली गीत संगीत क्षेत्रका अद्धितीय प्रतिभा सावित भएका छन्, वि सं २०४७ मंसीर १९ गते उनको स्वर्गारोहणको दिनलाई हरेक बर्षनारायणगोपाल स्मृति दिवस मनाउने गरिन्छ ।
सो अवसरमा हाल अमेरिकामा रहनु भएका नेपालका चर्चित युवा गायक तथा संगीतकार टीका भण्डारीलाई अनेसास, कोलोराडो शाखाले सम्मान गर्नुकासाथै वहांको सांगीतिक प्रस्तुती टीका भण्डारी सांझ को समेत आयोजना गर्यो । उक्त सांगीतिक सांझमा गायक टीका भण्डरीले विभिन्न नयां पुराना नेपाली लोक, आधनिक, एवं चलचित्रका गीतहरु प्रस्तुत गर्नुका साथै डेन्भर निवासी सुमधुर स्वरकी धनि चर्चित गायिका नीलम श्रेष्ठका साथमा नारायणगोपालका पुराना ए कान्छा ठट्टैमा यो वैंश जान लाग्यो देखि मोहनी लाग्ला है सम्मका धेरै युगल गीतहरु गाएर उपस्थित दर्शकहरुलाई नेपाली संगीतको अनुपम आनन्द दिलाएका थिए ।
अनेसास कोलोराडो च्याप्टरका अध्यक्ष श्री ज्ञानेन्द्र गदालले सम्मानित श्रष्टाको परिचय गराउनुका साथै च्याप्टरका तर्फबाट वहांलाई दिइएको सम्मानपत्र पढेर सनाउनुभएको थियो । कार्यक्रमका अर्का वक्ता डा. विजयराज शर्माले सम्मानित प्रतिभालाई आगामी वहांको सांगीतिक यात्रामा सफलताको शुभकामना समेत दिनुभयो । उक्त कार्यक्रम समाजकी सदस्य सावु कार्कीले सञ्चालन गर्नुभएको थियो ।
रत्न भण्डारी
सचिव
अनेसास, कोलोराडो शाखा
डिसेम्बर १५, २००५